Espenido di sangkot sa illegal na droga

MANILA, Philippines — Walang anumang pruweba na magpapatunay na sangkot sa illegal na droga si Police Lt. Colonel Jovie Espenido na kabilang sa 356 pulis sa drug watchlist ni Pangulong Rodrigo Duterte.

Ito ang inihayag kahapon ni Police Regional Office (PRO) 6 (Western Visayas ) Director Brig. Gen. Rene Pamuspusan.

Sa katunayan, ayon kay Pamuspusan, pursigido si Espenido sa kampanya kontra illegal na droga at marami itong programa upang masawata ang illegal na droga sa lungsod ng Bacolod.