Ex-local bets sa Taguig kinasuhan
TAGUIG, Philippines — Kinasuhan ng sedition sa Taguig City Prosecutors’ Office ang dalawang magkapatid na kapwa natalong kandidatong mayor at congressman sa halalan noong 2019 na sina Arnel at Allan Cerafica, ayon sa pagkakasunod, dahil sa umano’y panggugulo at illegal assemblies sa naturang halalan.
Nanalo sa eleksyong ito sina Speaker Alan Peter Cayetano at film maker na si Lino Cayetano.
Bukod sa sedition, isinampa rin ng isang grupo ng mga taxpayer ng Taguig at ng Jeepney Operators and Drivers Association laban sa magkapatid at ibang mga kasamahan ng mga ito ang mga kasong illegal assemblies, public disorder, at violation of BP No. 880.
Sinasabi ng mga complainant na nagsagawa ang grupo nina Cerafica noong May 14, 2019 ng iligal na pagtitipon sa Pedro Cayetano Boulevard na isang public road na dahilan para hindi makapagtrabaho ang mga opisyal ng Taguig City, nagsikip ang daloy ng trapiko at naparalisa ang komersiyo sa naturang lugar. Nagsagawa rin umano ng iligal na pagtitipon ang mga akusado sa kahabaan ng C-5 noong Mayo 23 na nagpasikip ng daloy ng trapiko at nagparalisa sa komersiyo rito.
Ayon pa sa reklamong isinampa, ang Cerafica brothers ay nagtawag umano ng pagkilos upang ipakita ang galit o “infliction of acts of hate” sa mga public officers at meron pang mga binitawang mga libelous na salita laban sa gobyerno dahil umano sa dayaan sa 2019 elections.
- Latest