Bata, 1, kumpirmadong may polio
MANILA, Philippines — Kinumpirma kahapon ng Department of Health (DOH) na may isang taong gulang na batang lalaki mula sa Cabanatuan, Nueva Ecija ang may taglay na polio, na pang 17 kasong naitala sa bansa.
Nilagnat at nanghina ang mga paa ng bata na natukoy sa pamamagitan ng surveillance ng Acute Flaccid Paralysis (AFP) cases na isinagawa at iniulat ng barangay health workers.
Samantala, sinabi rin ng DOH na may naiulat din na nagpositibo sa polio virus ang Butuanon River, sa Cebu batay sa nakuhang samples doon na ipinasuri sa Research Institute of Tropical Medicine (RITM).
Dahil dito, nakikipag-ugnayan ang DOH sa World Health Organization para sa tamang pagbabakuna.
Tumutulong din ang DOH sa Cabanatuan at Mandaue para paigtingin ang isinasagawang AFP surveillance, pagtukoy at pag-uulat sa mga kaso.
- Latest