Lockdown sa Agoncillo at Laurel inalis na rin

MANILA, Philippines — Inalis na rin kahapon ang lockdown sa mga bayan ng Agoncillo at Laurel, Batangas na grabeng naapektuhan ng pagsabog ng Taal volcano.

Sa report ng Batangas Provincial Disaster Risk Reduction and Management Council (PDRRMC), inalis na ang lockdown sa dalawang bayan maliban na lamang sa anim pang mga barangay na nasasaklaw ng 7-km radius danger zone.

Una nang tinanggal ang lockdown sa 12 lugar sa Batangas.

Nitong Linggo ay ibinaba na sa Alert level 3 ang status ng Taal volcano mula sa level 4 dahil nabawasan na ang indikasyon ng malakas na pagsabog.