‘Wag makialam sa isyu ng motorcycle taxi
Solons sa TWG
MANILA, Philippines — Nanawagan ang ilang kongresista sa Technical Working Group (TWG) ng Land Transportation Franchising and Regulatory Board (LTFRB) na huwag makialam sa kasalukuyang isyu ng motorcycle taxi pilot at huwag din lituhin ang publiko tungkol sa 20-day temporary restraining order (TRO) at palabasin na hindi ito napagbigyan.
Iginiit ni Manila Rep. Cristal Bagatsing, na suportado niya ang TRO at sinabing may umiiral na 20-day TRO na binigay noong Enero 10, na pumapayag sa 27,000 Angkas bikers na mag-operate na inisyu ng QC Regional Trial Court. Hindi anya dapat iligaw ang publiko na ang TRO ay hindi ipinagkaloob.
Nauna na umanong sinabi ng TWG na ang petition ng Angkas para sa TRO sa riders cap ay ibinasura ng Mandaluyong Regional Trial Court (RTC) kaya ayon sa ilang kongresista ay nagdudulot ito ng kalituhan.
Para kay dating House Transportation committee member at Infrawatch PH convenor Terry Ridon, dapat irespeto ang TRO ng korte.
“The QC TRO gives the 17,000 bikers of Angkas 20 more days to operate and retain their livelihoods,” wika naman ni Bagong Henerasyon Rep. Bernadette Herrera.
Sinabi naman ni PHILRECA partylist Rep. Presley De Jesus na ang 20-day TRO ay welcome development sa ongoing issue ng motorycle taxis pilot at umaasa siya na ang Kamara ay uunahin ang posibleng regulasyon at legalisasyon ng motorcycle taxi operations bilang win-win solution para sa commuters at motorcycle taxi operators and bikers.
- Latest
