Inflation pumalo sa 2.5%
MANILA, Philippines – Pumalo sa 2.5 percent ang inflation rate sa bansa mula sa 1.3 percent noong November 2019.
Ito, ayon sa Philippine Statistics Authority (PSA) ay dulot ng mabilis na pagtaas ng presyo ng bilihin at serbisyo noong Disyembre 2019.
Gayunman, ayon kay National Statistician Rosalinda Bautista na pasok naman ito sa 2 to 4 percent na target ng pamahalaan kung ikukumpara rin sa inflation noong December 2018 na 5.2 percent.
Ayon sa PSA, ang pagsipa ng inflation noong Disyembre ay dulot ng pagtaas ng presyo ng mga pangunahing bilihin ng nagdaang holiday season.
Umaasa naman ang PSA na bababa ngayong Enero ang inflation dahil tapos na ang panahon ng Kapaskuhan at Bagong Taon na kalimita’y tumataas ang halaga ng bilihin dahil sa mataas ng demand ng pagkain kapag ganitong okasyon.
- Latest
