‘Lambanog poisoning’ pinaiimbestigahan ni Duterte
MANILA, Philippines — Tahasang sinabi ni Justice Secretary Menardo Guevarra na pinaiimbestigahan na ni Pangulong Rodrigo Duterte sa National Bureau of Investigation (NBI) ang insidente ng lambanog poisoning kamakailan.
Ayon kay Guevarra, nasa 17 katao na ang namatay habang 400 ang itinakbo sa ospital matapos malason sa lambanog.
Lumilitaw sa pagsusuri ng Food and Drug Administration (FDA) na nagtataglay ng 11-18 porsiyento ng methanol ang lambanog na dumale sa internal organs ng mga biktima.
Nagpositibo sa mataas na antas ng methanol ang pinakabagong batch ng lambanog na sumailalim sa pagsusuri ng FDA.
Nangangahulugan lamang na patuloy ang bentahan ng lambanog sa publiko.
Hindi naman ipinagbabawal pa ng DOH ang bentahan ng lambanog sa Luzon matapos na pumasa ang lambanog sa FDA. Naghihigpit lamang sa mga walang label na lambanog.
- Latest
