Sin tax bill niratipikahan na ng Senado
MANILA, Philippines — Niratipikahan na kagabi ng Senado ang panukalang itaas ang buwis sa mga inuming nakalalasing, heated tobacco products at mga vapor cigarettes.
Inaasahang makakakolekta ang gobyerno ng nasa P24.9 bilyong buwis sa unang taon nang pagpapatupad ng batas.
Lagda na lamang ni Pangulong Rodrigo Duterte ang kailangan para tuluyang maging batas ang panukala na inaasahang agad na ipapasa sa Malacañang.
Nauna rito, nagpahayag ng pag-asa ang Department of Finance na makakakolekta ng nasa P59.1 bilyon upang mapunan ang kakulangang buwis para sa universal health care.
- Latest