Anomalya sa PHISGOC, bubusisiin ng Ombudsman
MANILA, Philippines — Bubusisiin ng Office of the Ombudsman ang kontrobersiyal na ulat na may korapsyong naganap sa Philippine Sea Games Organizing Committee (PHISGOC) ng bansa.
Ito ay makaraang buuin ni Ombudsman Samuel Martires ang seven-member panel’s fact-finding team na mag- iimbestiga sa mga opisyales ng PHISGOC kasama na si House Speaker Alan Peter Cayetano kaugnay ng ulat.
Nagkaroon ng ulat na nagkaroon ng anomalya sa PHISGOC nang mapansin ang sobrang laki ng gastos ng pamahalaan sa SEA Games tulad ng paggastos ng P55-million SEA Games cauldron at ang maluhong preparasyon para sa venue.
Bubusisiing mabuti ng Ombudsman ang katotohanan sa mga bintang at lalapatan ng parusa ang sinumang opisyales ng pamahalaan na mapapatunayang may pagkakasala sa batas hinggil dito.
Bagamat may negatibong ulat sa SEAG maraming mamamayan naman ang namangha at natuwa sa magandang at garbing opening ng SEAG, gayundin ang humakot ang Pilipinas ng mga medalyang ginto na nagbigay pugay sa ating bansa.
May 1,115 atleta at 753 coaches at opisyales ang nag represent sa 56 ibat-ibang laro bilang host country sa SEAG.
- Latest
