Signal no. 3 ng bagyo itinaas sa 11 areas
MANILA, Philippines — Itinaas kahapon ng Philippine Atmospheric Geophysical and Astronomical Services Administration ang Signal No. 3 sa 11 lugar sa Luzon at Visayas bago pa sa inaasahang pagbagsak ng bagyong Tisoy sa Catanduanes, Albay, o Sorsogon sa pagitan ng gabi ng Lunes at madaling-araw ng Martes.
Dulot nito, nakataas ang babala ng bagyo bilang 3 sa Catanduanes, Camarines Sur, Albay, Sorsogon, Southern portion ng Camarines Norte, Masbate, Romblon, Burias Island, Quezon, Northern at Eastern Samar.
Sa 2 p.m. bulletin, sinabi ng PAGASA na ang sentro ng bagyo ay namataan sa layong 195 kilometro sa silangan ng Juban, Sorsogon. Patuloy ang pagkilos ni Tisoy nang pakanluran sa bilis na 20 kph.
Dulot nito, nakataas ang babala ng bagyo bilang 3 sa Catanduanes, Camarines Sur, Albay, Sorsogon, at southern portion ng Camarines Norte.
Signal No. 2 naman sa buong Metro Manila; Bulacan; Bataan; Pampanga; eastern portion ng Nueva Ecija; Southern Aurora, Cavite, Batangas, Laguna, Rizal, Quezon kasama na ang Polillo Islands, Oriental Mindoro, Occidental Mindoro, Marinduque, Romblon at nalalabing bahagi ng Camarines Norte, Masbate kasama na ang Ticao Island, Northern Samar, Eastern Samar, Samar at Biliran.
Signal No. 1 naman sa Southern Isabela, Mountain Province, Ifugao, Benguet, Nueva Vizcaya, Ilocos Sur, La Union, Pangasinan, Quirino, nalalabing bahagi ng Aurora, nalalabing bahagi ng Nueva Ecija, Tarlac, Zambales, Calamian Islands, Aklan, Capiz, Antique, Iloilo, Guimaras, northern portion ng Negros Occidental, Northern Cebu, Metro Cebu, Cebu City, Leyte, Southern Leyte, Dinagat Islands at Siargao Island.
Si Tisoy ay inaasahang bubuhos sa lupa ngayong Martes ng madaling araw kaya ang lahat ay pinag-iingat sa posibleng epektong dulot nito sa mamamayan at mga ari arian.
- Latest