Suplay ng galunggong kinakapos
DA mag-aangkat
MANILA, Philippines — Plano ng Department of Agriculture (DA) na mag-angkat ng isdang galunggong upang mapunan ang kakulangan ng suplay sa ngayon.
Ayon kay Ed Gongona, director ng Bureau of Fisheries and Aquatic Resources (BFAR), plano nilang mag-import ng may 45,000 metric tons ng maliliit na pelagic fish kasama na ang galunggong, gayundin ng mackerel dahil sa kakulangan ng suplay ng naturang mga isda.
Sinasabing tumaas ang halaga ngayon ng kilo ng galunggong na umaabot sa P250.00 kada kilo mula sa dating P170 kada kilo dahil sa kakulangan ng suplay.
Kaugnay nito, sinabi naman ng fisherfolk na Pambansang Lakas ng Kilusang Mamamalakaya ng Pilipinas (Pamalakaya) na hindi na kailangan pang mag-import ang ating bansa ng naturang mga isda.
Dadagsa umano ang suplay ng naturang mga isda sa bansa kung itutuloy ang importasyon.
Anya, ang kasalukuyang shortfall sa 3 buwang fishing ban ng BFAR ang ugat kaya’t nagkaroon ng kakulangan sa suplay pero kung isesentro lamang ng ahensiya ang pagpapadami sa bilang ng mga isda, hindi na kailangan pang mag-angkat.
- Latest