Registration sa national ID aarangkada na sa 2020

MANILA, Philippines — Pagsapit ng kalagitnaan ng susunod na taon ay magsisimula na ang nationwide registration para sa national ID o Philippine Identification System (Philsys). Ayon kay Marc Laurente  pro­ject development officer ng Philsys ng Philippine Statistics Authority (PSA), plantsado ang lahat ng aspeto para sa implementasyon ng Republic Act 11055 matapos itong pirmahan ni Pangulong Rodrigo Duterte noong August 2018.

Sa ilalim National Identification System (Philid) iisang identification card na lamang ang dapat ipakita at hindi na kaila­ngan ng napakaraming ID kapag may tran­saksiyon sa gobyerno.

 Batay sa timeline ng PSA, 110 mil­yong Pilipino na ang target na mayroong national ID pagsapit ng taong 2022.