EO vs vape ilalabas na
MANILA, Philippines — Anumang oras ay nakatakda ng maglabas ng Executive Order si Pangulong Rodrigo Duterte laban sa paggamit ng vape o electronic cigarette.
Ito ang kinumpirma kahapon ni Department of Interior and Local Government Secretary Eduardo Año matapos ang paglulunsad ng Disiplina Muna campaign sa lungsod ng Marikina.
Ayon kay Año, ang EO ay upang may panghawakang regulasyon sa paggamit ng vape kaugnay ng pagpapataw ng kaparusahan sa mga lalabag dito.
“The President really wanted not only [to ban] the use of vape but even the selling of vape,” anang Kalihim.
Sa oras naman na nakapag-isyu na ng EO si Pangulong Duterte, sinabi ni Año na agad siyang maglalabas ng memorandum laban sa paggamit at pagbebenta ng vape.
“Paglabas nitong EO ay tayong mag-iisyu ng memorandum circular sa ating LGU’s (Local Government Units) para maglabas ng ordinansa,” ani Año.
- Latest