Marshals para sa mga hukom umusad na sa Kamara
Sa closed-door meeting
MANILA,Philippines — Inihain na sa Kamara ang panukalang magtatatag ng marshals system para sa mga hukom sa bansa.
Ang House Bill 5403 ay inihain ni Surigao del Sur Rep. Johny Pimentel, matapos na mapatay si Ilocos Sur Judge Mario Banez.
Base sa datos ng Supreme Court (SC) Office of the Court Administrator, ika-31 hukom na napatay si Banez simula noong Enero 1999 at ika-5 sa ilalim ng administrasyong Duterte.
Sa ilalim ng panukala, ang isang marshals ay dapat may mga requirements tulad ng isang bachelor degree holder, dapat ay 21 taong gulang subalit hindi lalampas ng 35 anyos; sumailalim sa training sa Philippine Public Safety College at kayang humawak ng armas.
Dapat din ay nagsilbing “peace officers” at may kapangyarihan na magsagawa ng pag-aresto, searches at seizures base sa umiiral na batas at alituntunin; maaaring mag-imbestiga at humadlang sa mga krimen laban sa judicial officer.
Nabatid na mayroong 2,561 trial judges sa bansa at 1,301 dito ay Regional Trial Court Judges, 169 sa Metro Trial Court Judges, 257 City Trial Court Judges, 468 Municipal Circuit Trial Court Judges, at 366 ay Municipal Trial Court Judges.
Bukod sa 15 miyembro ng SC ay may 70 Justices din ng Court of Appeals at 9 Justices ng Court of Tax Appeals.
- Latest
