LPA isa nang bagyo

MANILA, Philippines – Isa na ngayong ganap na bagyo ang low pressure area (LPA) na nasa Virac, Catanduanes at pinangalanang Ramon.

Alas-11:00 ng umaga kahapon, ang bagyong Ramon ay namataan ng Philippine Atmospheric Geophysical and Astronomical Services Administration sa layong 835 kilometro ng silangan timog silangan ng Virac o nasa layong 685 kilometro ng silangan ng  Borongan City, Eastern Samar at patuloy ang pagkilos pakanluran sa bilis na  10 kilometro bawat oras.

 Taglay ni Ramon ang lakas ng hangin na umaabot sa 55 kilometro bawat oras malapit sa gitna at may pagbugso ng hangin na umaabot sa 70 kilometro bawat oras.

Ayon sa PAGASA, lalakas pa ang bagyong Ramon bilang isang tropical storm sa susunod na 48 oras.