Low Pressure Area patuloy na banta sa Luzon
MANILA,Philippines — Patuloy na nagbabanta ang isang low pressure area (LPA) na nasa Luzon at inaasahang maging ganap na bagyo sa loob ng 24 oras hangang 36 na oras.
Alas-11:00 ng umaga kahapon, ayon sa Philippine Atmospheric Geophysical and Astronomical Services Administration, ang LPA ay nasa layong 220 kilometro ng silangan timog silangan ng Puerto Princesa City, Palawan.
Ayon sa PAGASA, magiging maulan sa Metro Manila, Calabarzon, Mimaropa, Bicol Region, Zamboanga Peninzula, Visayas at lalawigan ng Basilan, Sulu at Tawi-Tawi dahil sa epekto ng LPA.
Maulan din sa Batanes at Babuyan islands dahil sa hanging amihan samantalang maulan din sa nalalabing bahagi ng ating bansa dahil sa localized thunderstorm. Oras na pumasok na ang LPA at naging bagyo ay tatawaging bagyong Quiel.
- Latest
