CHED official sinuspinde ng Ombudsman
MANILA,Philippines — Sinuspinde ng Ombudsman ng tatlong buwan na walang sahod si Commission on Higher Education (CHED) Executive Director Julito Vitriolo.
Nakasaad sa utos ni Ombudsman Samuel Martires na si Vitriolo ay napatunayang guilty sa simple misconduct kaugnay ng reklamong naisampa sa kanya ni dating CHED chairperson Patricia Licuanan.
Inakusahan si Vitriolo na nagpalabas ng isang memorandum na nagrerekomenda sa CHED Region Office na magpalabas ng isang Provisional Permit para tutulan ang aplikasyon sa komisyon ng isang private school na isang paglabag sa Commission en Banc Resolution at hindi naaayon sa policies at guidelines ng CHED.
Nilinaw ng Ombudsman na sakaling sa paglabas ng suspension order kay Vitriolo ay wala na siya sa serbisyo, bilang penalty ay ibabalik nito sa Ombudsman ang kanyang latest salary para sa tatlong buwan o babawasin ang halaga sa kanyang retirement benefits, accrued leave credits o anumang receivable mula sa tanggapan.
- Latest