Perla, isa nang severe tropical storm
MANILA, Philippines — Lumakas ang bagyong Perla at isa nang severe tropical storm.
Gayunman, ayon sa Pagasa, kahit lumakas si Perla, wala pa rin itong direktahang epekto sa alinmang bahagi ng bansa.
Makakaranas lamang ng minsang pagsungit ng panahon sa extreme Northern Luzon hanggang sa mga unang araw ng susunod na linggo dahil sa epekto ng pagpasok ng amihan.
Kahapon ng umaga, si Perla ay namataan sa layong 600 kilometro silangan ng Basco, Batanes taglay ang lakas ng hangin na umaabot sa 95 kilometro per hour at pagbugso na aabot sa 115 kph.
Inaasahang lalabas sa bansa si Perla sa Lunes ng gabi o araw ng Martes.
Samantala, dalawa pang sama ng panahon ang binabantayan ng Pagasa, dahil inaasahan itong papasok sa karagatang sakop ng bansa sa susunod na linggo.
- Latest
