PSN ‘Hall of Fame’ awardee, Best Tabloid sa Alta Media Awards
MANILA, Philippines – Pinarangalan ang Pilipino Star Ngayon (PSN) bilang “Hall of Fame” awardee makaraang tanghalin na “Best Tabloid” sa ikalimang sunod na taon ng Alta Media Icon Awards 2019.
Kinilala ang PSN bilang Best Tabloid mula pa noong taong 2015 hanggang ngayong 2019 ng pamunuan ng University of Perpetual Help System Dalta buhat sa masusing pagpili ng mga mag-aaral na Perpetualites sa mga natatanging organisasyon ng media, programa at mga personalidad sa radyo, telebisyon, print, pelikula, social media at recording.
Ngayong taon, may tema ang parangal na “PerpetualLive: The Modern Youth and the Media on Cue Towards an Active Role in National Development”, pinili ang mga pinarangalan base sa kontribusyon sa “social development” at promosyon ng mga kaugaliang Pilipino na isinunod sa pilosopiya ng Perpetualite na “Character Building is Nation Building”.
Tinanggap nina PSN provincial editor Ellen Fernando at PSN reporter Danilo Garcia ang tropeyo sa Ernesto Palanca Crisostomo Hall sa UPHSD Las Piñas Campus.
Nangako naman ang pamunuan ng PSN na ipagpapatuloy ang tapat, responsable at makabuluhang pagbabalita.
- Latest