Pambato ng Pinas sa Miss Grand International walang record ng passport sa DFA
MANILA, Philippines – Kinumpirma kahapon ng Department of Foreign Affairs na walang record ng DFA passport si Binibining Pilipinas-Grand International Samantha Ashley Lo na naiulat na ipina-deport ng French authorities matapos matuklasan na peke ang hawak na pasaporte.
Ayon kay DFA Assistant Secretary Eduardo Martin Menez, nakatanggap sila ng ulat na hindi naipagpatuloy ni Lo ang kanyang laban dahil sa isyu ng kanyang passport.
“The Department of Foreign Affairs (DFA) received reports that Binibining Pilipinas-Grand International Samantha Ashley Lo was unable to continue her journey to Caracas due to alleged issues with her passport,” sabi ng DFA.
Ayon kay Menez, base sa isinagawa nilang imbestigasyon, wala silang nakitang record ni Lo at patuloy pa rin nilang inaalam ang totoong nangyari.
Napaulat na 13 oras pinigil ng mga awtoridad sa Paris si Lo dahil sa peke nitong passport.
Ang beauty queen na nagmula sa Cebu ay patungo sanang Venezuela upang maging kinatawan ng Pilipinas sa Miss Grand International pageant.
- Latest
