Shellfish sa 7 lugar, bawal kainin
MANILA, Philippines – Ipinagbabawal ng Bureau of Fisheries and Aquatic Resources (BFAR) na kunin, ibenta at kainin ang mga shellfish products tulad ng tahong, halaan at talaba mula sa pitong mga lugar sa bansa.
Ito ayon sa BFAR ay dahil mataas sa lason ng red tide ang mga baybayin ng Puerto Princesa Bay, Puerto Princesa City sa Palawan; coastal waters ng Dauis at Tagbilaran City sa Bohol; Irong-irong, San Pedro, at Silanga sa Western Samar; at Cancabato Bay, Tacloban City sa Leyte.
Kaugnay nito, nanawagan ang BFAR sa mga local chief executives ng naturang mga lugar na bantayang mabuti at huwag payagang makarating sa palengke ang shellfish products na mula sa naturang mga lugar.
Ang kakain ng shellfish meat na may red tide toxin ay maaaring magsuka, mag-diarrhea, sumakit ang tiyan at maaaring ikamatay pa.
- Latest
