Kampanya vs online sexual abuses hinging paigtingin

MANILA,Philippines — Umapela ang isang kongresista sa Philippine National Police (PNP) na paigtingin pa ang kampanya kontra sa online-sexual exploitation sa mga kabataan.

Ayon kay House of Representatives Committee on the Welfare of Children Chairman Yedda Marie Romualdez, dapat na paigtingin pa ang kooperasyon ng ating mga law enforcement sa mga counterparts ng mga ito sa ibang bansa upang matugis ang mga dayuhan na bumibiktima sa mga kabataang Pilipino sa online. 

Paliwanag ng kongresista, kung may pina­lakas na international cooperation ay sigurado na magiging matagumpay ang paglaban sa transnational child sexual exploitation.