Operator ng SLEX parurusahan ng TRB
MANILA,Philippines — Parurusahan ng Toll Regulatory Board (TRB) ang operator ng South Luzon Expressway - Skyway extention project dahil sa naidulot na epekto ng proyekto nito sa paghigpit ng daloy ng trapiko sa north bound portions ng naturang expressway.
Ayon kay Raymundo L. Junia ng TRB, posibleng pagmultahin nila ang operator ng naturang proyekto dahil wala itong nagawa at lalu pang tumindi ang paglala ng traffic sa lugar.
Nang simulan ang P10-billion Skyway extension project mula Barangay Cupang hanggang Barangay Putatan sa Muntinlupa ay naisara ang Alabang viaduct - Muntinlupa noong September 24 kaya nagkabuhol buhol na ang trapiko sa lugar.
Sinabi ni Junia na pinag-aaralan na rin ng TRB board ang pagbaba sa toll fee sa SLEX habang ginagawa ang naturang extention project.
Hiniling naman ni Laguna Rep. Sol Aragones sa SLEX na suspendehin o bawasan ang singil sa toll fee dito.
Sa dalawang pahinang House Resolution 428 na inihain ni Aragones, pinasususpinde niya o pinababawasan ang singil sa SLEX sa loob ng anim na buwan.
- Latest
