Mga isda mula sa Manila Bay ‘wag munang kainin - Bureau of Fisheries and Aquatic Resources

MANILA, Philippines — “Huwag munang bibili at kakain ng mga isda na mula sa Manila Bay”.

Ito ang panawagan ng Bureau of Fisheries and Aquatic Resources (BFAR) sa publiko bu­nga na rin ng mga isdang naglutangan sa Manila Bay partikular sa may baybayin ng Las Piñas at Parañaque.

Ayon sa BFAR, ipinasusuri pa ng tanggapan ang ugat ng fish kill sa Manila Bay kayat habang hindi pa alam ang ugat ng pagkamatay ng mga isda sa baybayin ay kailangan munang iwasan ang pagkain ng mga isda mula rito.

Hanggang ngayon ayon sa BFAR ay hindi pa batid ng ahensiya kung ligtas kainin ang mga isda  mula sa naturang baybayin.

Nitong Huwebes, iba’t ibang uri ng patay na isda ang nakita sa baybayin ng Las Piñas at Parañaque sa Manila Bay.