Hagibis hindi na papasok sa PAR

MANILA, Philippines – Hindi na papasok sa Philippine Area of Responsibility (PAR) ang bagyong Hagibis na nasa labas ng ating bansa.

Ayon kay Meno Mendoza, weather specialist ng Philippine Atmospheric Geophysical and Astronomical Services Administration, mababa na ang tsansa na pumasok sa PAR  ang international typhoon na si Hagibis kaya wala itong direktahang epekto  sa alinmang bahagi  ng bansa.

Ayon sa PagAsa, gigilid lamang sa PAR ang  sentro ni  bagyong Hagibis at saka ito didiretso sa  Japan.