Singil sa kuryente tataas ngayong Oktubre
MANILA, Philippines – Tataas ngayong buwan ng Oktubre ang singil sa kuryente ng Manila Electric Company (Meralco).
Ayon kay Joe Zaldarriaga, tagapagsalita ng Meralco, apat na sentimo o P0.0448/kwh ang idadagdag nila sa kanilang singilin sa October bill kaya’t mula sa dating P9.0414/kwh ay magiging P9.0862/kwh na ang kanilang overall electricity rates.
Anang Meralco, ang dagdag-singil ngayong buwan ay katumbas ng P8.96 na bayarin para sa mga tahanang kumukonsumo ng 200kwh kada buwan; P13.44 sa mga nakakakonsumo ng 300kwh; P17.92 naman sa mga nakakagamit ng 400kwh at P22.40 naman para sa kumukonsumo ng 500kwh na kuryente kada buwan.
Patuloy namang nananawagan ang Meralco sa mga consumers na magtipid sa konsumo ng kuryente.
- Latest