Bangka ng Boracay dragon boat team tumaob, 7 patay
MANILA, Philippines — Binawian ng buhay ang pito katao matapos tumaob ang sinasakyang bangka ng 21 miyembro ng Boracay Dragon Force Team, Miyerkules ng umaga.
Nangyari ang insidente 7:40 a.m. malapit sa Sitio Lingganay, Baranggay Manoc-Manoc sa Boracay Island, Malay, Aklan.
Nailigtas ng Philippine Coast Guard ang 14 sa mga nakasakay. Isinugod naman sa Saint Gabriel Hospital ang mga nasagip para sa atensyong medikal.
"Ang pagkikilanlan ng mga biktima ay hindi muna isasapubliko sa susunod na 24 oras hanggang masabihan ang susunod na kamag-anak," ayon sa PCG.
Sinasabing mga lokal ng lugar ang mga naaksidente.
Una nang naiulat na nawawala ang isa sa mga lulan ng bangka ngunit natagpuan din ang lahat kinalaunan.
Tumugon na rin Philippine Red Cross sa mga nasabing indibidwal.
PRC responded to a capsized boat incident involving a dragon boat within Tulubhan area in Boracay. 14 individuals survived while six (6) were reported dead and 1 still missing. Our team provided psychosocial therapy and on standby for search and rescue operations.
— Richard J. Gordon (@DickGordonDG) September 25, 2019
"Nagbigay na ng psychological therapy ang aming team at naka-standby pa rin sa search and rescue operations," ani Sen. Richard Gordon, chairperson at chief operating chief executive officer ng PRC. — may mga ulat mula kay Patricia Lourdes Viray
- Latest
