Diabetes epidemya na
MANILA, Philippines – Itinuturing na ng ilang health expert na ‘epidemya’ ang diabetes sa bansa.
Lumilitaw sa record ng Philippine Society of Endocrinology, Diabetes, and Metabolism (PSEDM), nasa 7 milyong katao ang mayroon nang diabetes sa bansa. Wala anyang barangay sa Pilipinas ang hindi diabetic.
Batay sa research council member ng PSEDM na si Oliver Allan Dampil, swak sa depinisyon ng epidemya ang bilang ng mga may diabetes na naitala sa bansa.
Ilan lamang sa sintomas ng sakit na diabetes ang madalas na pag-ihi, madalas na pagkauhaw, hindi paghihilom ng sugat, o ‘di kaya naman ay biglang pagdagdag o pagbawas ng timbang.
Kung mapapabayaan, maaari itong magresulta sa komplikasyon sa katawan gaya ng stroke, kidney failure, heart attack, at pagkabulag.
Payo ng mga doktor, damihan ang pagkain ng gulay at prutas, magbawas ng pagkain ng kanin at matatamis, at mag-ehersisyo.
- Latest