De Lima, Roxas pinagpapaliwanag sa GCTA law
MANILA, Philippines – Pinagpapaliwanag ng Office of the Ombudsman sina Sen. Leila de Lima at dating Interior and Local Government Secretary Mar Roxas hinggil sa implementing rules and regulations (IRR) na binalangkas nila para sa maagang paglaya ng mga bilanggo batay sa good conduct credit.
Kung maaalala, taong 2013 nang maisabatas ang GCTA law kung saan nakaupo bilang kalihim ng Department of Justice (DOJ) si de Lima habang sa DILG naman si Roxas.
Sinabi ni Ombudsman Samuel Martires sa kanyang sulat kina Roxas at de Lima na ang 2013 law na nagpalawak sa komputasyon ng GCTA ay nagpupuwera sa mga recidivists, habitual delinquents, escapees at persons charged with heinous crimes.
Gayunman, sa IRR ng batas, tanging diniskuwalipika lang ay mga recidivists, those who have been “convicted previously twice or more... of any crime”, at those who failed to surrender before a court after being summoned, ayon kay Martires.
Hiniling niya kina de Lima at Roxas na magsumite sa loob ng tatlong araw ng paliwanag na nakasulat kung bakit ang nabanggit na mga probisyon ng IRR ay hindi naglalaman ng kahalintulad na diskuwalipikasyon na binanggit sa last paragraph ng Article 29 ng Revised Penal Code.”
Umabot sa may 2,000 crime convict ang napalaya sa ilalim ng good conduct time allowance mula noong 2014.
Kabilang sa maaaring makinabang sa GCTA si dating Calauan, Laguna mayor Antonio Sanchez na nasentensiyahan sa kasong panggagahasa at pagpatay.
- Latest
