Death penalty hiling ibalik
MANILA, Philippines – Dahil naabuso ng mga opisyal ng Bureau of Corrections (BuCor) ang Good Conduct Time Allowance (GCTA) Law, nais ng isang kongresista na ibalik na lamang ang Death Penalty sa bansa sa pamamagitan ng lethal injection.
Ayon kay ACT-CIS partylist Rep. Nina Taduran, kung umiiral sana ang death penalty sa bansa ay walang “second chance” ang mga bilanggong sangkot sa heinous crimes.
Paliwanag pa ni Taduran, na kung bibigyan ng pangalawang pagkakataon ang mga kriminal na ito ay para na ring binawi ang hustisyang nakamit ng mga kaanak ng mga napatay.
Kinuwestyon rin ni Taduran kung bakit nakalaya ang 2,160 bilanggo simula noong 2013 na nahatulang guilty sa heinous crimes lalo pa at wala silang lugar sa lipunan matapos manira ng buhay.
Dahil dito kaya maghahain umano ang ACT-CIS ng panukala upang muling buhayin ang bitay.
Subalit kailangan umanong magkaroon ng safeguards ang batas para maproteksyonan ang mga mahihirap na napagbintangan sa mga karumal-dumal na krimen.
- Latest
