2 Cabinet members iniimbestigahan sa korapsiyon
MANILA, Philippines — Dalawang miyembro ng Gabinete ang iniimbestigahan ngayon ng Presidential Anti-Corruption Commission (PACC) dahil sa umano’y corruption.
Sinabi ni PACC Comm. Greco Belgica na nagsimula ang imbestigasyon sa 2 Cabinet members noong Pebrero 2019 at inaasahang matatapos nila sa Oktubre ang report na isusumite kay Pangulong Duterte.
Tumanggi muna si Belgica na pangalanan ang dalawang opisyal na pawang “incumbent” na may “Cabinet rank”.
“Unfair pangalanan ang 2 members ng Cabinet dahil hindi naman ibig sabihin na iniimbestigahan sila sa alegasyon ng corruption ay guilty na agad sila,” sabi ni Belgica.
Ang reklamo ay inihain ng isang opisyal mula sa departamento ng Cabinet member habang ang isa ay isinampa ng isang private citizen.
Idinagdag pa ng PACC official na cooperative naman ang mga ito sa ginagawa nilang imbestigasyon.
- Latest