Villanueva sa divorce bill: ‘Over my dead body’
MANILA, Philippines — Haharangin ni Senator Joel Villanueva ang panukalang batas na naglalayong maging legal ang diborsiyo sa Pilipinas.
Tiniyak ni Villanueva na gagawin ang lahat para hindi maging batas ang panukala na inihain ni Senator Risa Hontiveros.
Idinagdag ni Villanueva na hindi dapat basta-basta paghiwalayin ang mag asawa at dapat maging parte ang bawat isa ng solusyon sa pagbuo ng pamilya.
Tiniyak din ni Villanueva na kokontrahin ng CIBAC party-list ang divorce bill sa House of Representatives.
Ipinunto rin ni Villanueva na sa ngayon ay madali ang magpa-annul ng kasal para sa mga mayayaman pero napakahirap at matagal ang proseso para sa mga mahihirap.
Pabor si Villanueva na maging pantay ang proseso ng annulment para sa mga mahihirap at mayaman.
- Latest