Tapyas sa termino kinontra sa Senado
MANILA, Philippines — Tutol ang ilang senador sa House Concurrent Resolution No. 1 ni Cagayan de Oro Rep. Rufus Rodriguez na paikliin ang termino ng mga senador at palawigin ang termino ng mga kongresista.
Ayon kay Senate Minority Leader Franklin Drilon, kailangang amiyendahan ang Konstitusyon para mangyari ang gusto ni Rodriguez.
Hindi aniya sapat ang pagpasa ng isang resolusyon para mabago ang termino ng mga mambabatas sa Senado at Kamara.
Sinabi rin ni Drilon na haharangin ng minority bloc ang anumang banta na baguhin ang Konstitusyon.
Maging si Sen. Bong Go ay hindi pabor sa panukala na hindi naman umano makikinabang ang taumbayan.
Naniniwala rin si Go na walang senador na papayag na mabawasan ang kanilang termino.
Ayon naman kay Senate President Vicente Sotto III, hindi dapat pinag-iinitan ang Senado lalo pa’t mas maganda ang performance nila kaysa sa rating ng House of Representatives.
Hindi naman sineryoso ni Sen. Imee Marcos ang resolusyon ni Rodriguez at sinabi lang nito na “pilyo talaga” ang kongresista.
- Latest
