189 mayors, governors tinanggalan ng ‘police supervisory powers’

MANILA, Philippines — Tinanggalan ng supervisory powers sa lokal na kapulisan ang 189 mga alkalde at gobernador sa bansa.

Ayon kay DILG Undersecretary at spokesperson Jonathan Malaya, sa naturang bilang ay 181 ang mga alkalde habang walo ang mga gobernador.

Hindi muna binanggit ng DILG ang pangalan ng mga alkalde at gobernador.

Paliwanag ni Malaya, maraming dahilan kung bakit tinanggalan ng supervisory powers ang mga naturang lokal na opisyal sa mga pulis.

Kabilang aniya rito ang pagkakasangkot ng ilan sa kanila sa illegal drugs at mga teroristang grupo.

Ang iba naman ay dahil sa pagkabigong labanan ang terorismo sa kanilang nasasakupan.