Lacson kay Cayetano: ‘Masyado pang maaga para manakot’
MANILA, Philippines — Hindi natinag si Sen. Panfilo Lacson sa pananakot ni Rep. Alan Peter Cayetano na iiklian at gagawing tatlong taon ang termino ng mga senador.
Ayon kay Lacson, masyado pang mahaba ang panahon para maisakatuparan ni Cayetano ang kanyang pananakot.
Hindi rin aniya makakatulong ang pahayag ni Cayetano sa pagkumbinsi sa mga senador na ikonsidera man lang ang panukalang pag amiyenda sa Konstitusyon o charter change.
Ipinahiwatig naman ni Sen. Koko Pimentel na hindi mangyayari ang nais ni Cayetano kung walang suporta ng Senado.
“It takes two to tango,” ani Pimentel.
Pero bukas si Pimentel sa posiblidad na gawing apat na taon ang termino ng mga senador mula sa kasalukuyang anim na taon pero may isa o dalawang beses na reeleksiyon.
Nauna rito, ginawa ni Cayetano ang banta noong Miyerkules ng gabi sa meeting ng ilang congressmen kung saan kasama ang karamihan sa ruling PDP-Laban.
Si Cayetano ang inaasahang mahahalal na Speaker sa pagbubukas ng 18th Congress matapos iendorso ni Pangulong Duterte.
- Latest
