SWS: 93% ng Pinoy gusting bawiin ang West Philippine Sea
MANILA, Philippines — Nais ng mayoryang Filipino na mabawi ng Pilipinas ang control sa West Philippine Sea partikular sa mga islang inokupahan ng China, base sa resulta ng 2nd quarter 2019 survey ng Social Weather Station (SWS).
Sa survey ng SWS, 93 percent ng mga Filipino ang nagnanais na mabawi ng Pilipinas ang mga teritoryo na inokupahan ng China sa WPS.
Isinagawa ang survey noong June 22-26 sa may 1,200 respondents sa Metro Manila, Balanced Luzon, Visayas at Mindanao.
Mas mataas ito ng 4 points sa nakaraang December 2018 survey na nagnanais na bawiin ng Pilipinas ang mga islang inukupahan ng China sa WPS.
Samantala, 92 percent naman ng respondents ang nagsasabing dapat lamang palakasin ang kapasidad ng militar partikular ang Philippine Navy.
Sa nasabing survey din lumitaw na 84% ng Pinoy ang hindi pabor na magkaroon ng alyansa ang Pilipinas upang ipagtanggol ang WPS.
- Latest
