Cayetano kailangang ‘manligaw’
MANILA, Philippines — Kahit pa inendorso ni Pangulong Duterte hindi pa rin tiyak at kailangan pang manligaw ni Taguig Rep. Alan Peter Cayetano sa kanyang mga kasamahang kongresista para maging speaker ng House.
Ito ang sinabi kahapon ni Sen. Koko Pimentel na naniniwalang kailangan pa ring kumbinsihin ni Cayetano ang mga kasamahan upang matiyak na iboboto siya ng mga ito sa Hulyo 22.
Aminado si Pimentel na may “advantage” sa ngayon si Cayetano dahil sa naging pahayag ng Pangulo pero hindi ito maituturing na katiyakan na masusungkit ang Speakership.
Naniniwala rin si Pimentel na kailangan ni Cayetano ng tulong ng PDP-Laban na mayroong 85 na miyembro sa House of Representatives.
“He (Cayetano) cannot sit as House Speaker without the support of PDP-Laban,” dagdag niya.
- Latest
