‘Build, build, build’ golden age of infra ng Pinas
MANILA, Philippines — Magiging tatak ng Duterte administration ang build, build, build project na tinaguriang golden age of infrastructure ng Pilipinas sa ilalim ng kasalukuyang pamahalaan.
Ayon kay Presidential Communications Operations Office Sec. Martin Andanar, mahalaga sa bawat Pangulo ng bansa na magkaroon ng hard legacy dahil makikintal ito sa kaisipan ng mga susunod na mga henerasyon.
Halimbawa na rito ang mga nagawa ni dating Pangulong Ferdinand Marcos gaya ng PICC, Folk Arts Theater at marami pang iba na sa ayaw at sa gusto ng mga pro at anti-Marcos ay may nagawa talagang hard projects na nagawa ang dating Presidente ng Republika.
Paalala rin aniya ito para sa mga susunod na magiging Pangulo ng bansa na kailangang mas magdoble kayod at maabot ang mas progresibong Pilipinas na pakikinabangan ng mga susunod na henerasyon.
- Latest
