Mas makabuluhang reporma aasahan sa Duterte admin
MANILA, Philippines — Higit na malawak at makabuluhang mga reporma ang maaasahan ng bansa mula sa administrasyong Duterte batay sa mga bagong batas at programa ngayong kaalyado ng Pangulo ang karamihan sa mga mambabatas sa Kamara at Senado.
Ito ang pananaw ni Albay Rep. Joey Sarte Salceda, ang ‘resident economist’ ng Kamara. Inaasahan niya na “sisentro ang inaasahang mga reporma sa paghikayat ng mga mamumuhunan sa Pilipinas upang maging ‘globally competitive’ ito.”
Ayon kay Salceda ang mga reporma ay tutuon sa tatlong larangan – ‘economic, political and social’—at magsisilbing pangatlong haligi ng ‘Dutertenomics,” isang estratehiyang pangkabuhayang naglalayong ‘pabilisin ang paglawak ng kakayahan ng bansa sa pulitika at pananalapi tungo sa pag-unlad.”
Tiniyak ni Salceda na nakaplano ang naturang mga reporma.
Sa repormang pampulitika, sinabi ng mambabatas na ang “Constitutional Pathways to Autonomy” ay nakahanda na rin. Kasama naman sa ‘social reforms’ ang paglikha ng ‘Department of Disaster Resilience, National Land Use Act; mandatory Reserve Officers’ Training Corps (ROTC); Lowering of Age of Criminal Liability (mga akda din` ni Salceda); End of Endo/Contractualization Act; and the Government Service Insurance Systems Act.’
Tiniyak ni Salceda na magiging mabisa ang susunod na mga reporma dahil sa kaalyado nga ng Pangulo ang karamihan ng mga mambabatas at matibay ang hawak niya sa mga kasapi ng kanyang Gabinete at nagkakaisa sila.
- Latest