Mga tindahan sa tabi ng Manila City Hall idedemolis
MANILA, Philippines — Inutos ni Manila Mayor Isko Moreno na baklasin ang lahat ng stalls at iba pang iligal na istruktura sa Bonifacio Shrine na nasa tabi ng Manila City Hall at Universidad De Manila na nagsilbing ‘eyesore’ na binaboy sa loob ng anim na taon.
Nabatid na binigyan na ng ultimatum na hanggang Miyerkules (Hulyo 10) na lamang ang mga stalls at vendors sa nasabing lugar at kung hindi kusang magbabaklas at lilisanin ang nasabing lugar ay sapilitang gigibain ang mga nakatayong istruktura na bukod sa magulo at pangit na view ay napakadumi at mabaho dahil sa ginagawang palikuran at tambakan ng mga basura.
Sinabi ni city engineer Armand Andres na sa Huwebes ang nakatakdang demolisyon sa mga hindi tutugon sa kautusan na bakantehin ng mga negosyante ang nasabing lugar.
Sakop ng kautusan sa clearing operations sa Huwebes ng umaga ang kahabaan ng Natividad Street (dating Concepcion street) hanggang sa Hospital Street na harapan ng UDM.
- Latest
