2,291 pulis nahaharap sa administrative cases
MANILA, Philippines — Umaabot sa 2,291 mga pulis ang nahaharap sa kasong administratibo sa loob lamang ng limang buwan sa taong ito.
Ayon kay PNP-Internal Affairs Service (IAS) chief, Atty. Alfegar Triambulo, ang nasabing bilang ay 36% na mas mataas kumpara sa 1,683 naitala sa kaparehong period noong 2018.
Sinabi ni Triambulo, sa average na buwanang tala ay nasa 458 ang natanggap na mga kasong administratibo laban sa mga tiwaling pulis kumpara sa 337 noong nakalipas na taon.
Karamihan sa mga nakasuhang pulis ay mga bagito sa serbisyo o yaong mga Patrolman ang mga ranggo.
Kabilang naman sa mga kasong administratibo na kinakaharap ng mga ito ay may kinalaman sa iligal na droga, paglabag sa police operation at indiscriminate firing.
Samantala ang iba ay nakasuhan sa paglabag sa election laws partikular na sa vote buying nitong midterm elections noong Mayo 13.
- Latest