Hindi ako takot sa China! - Digong
ANILA, Philippines — Iginiit kahapon ni Pangulong Duterte na hindi ito takot sa China gaya ng nais palabasin ng kanyang kritiko kaugnay ng Recto Bank incident.
“Hindi ako takot sa China. Takot ako na baka walang laban, walang kalaban-laban tayo. At baka tayo maubos,” wika ng Pangulo sa mensahe nito sa oath taking ng kanyang anak na si Davao City Vice Mayor Sebastian Duterte.
Nilinaw din ng Pangulo na ang naganap na insidente sa Recto bank noong June 9 ng mabangga ng Chinese fishing vessel ang fishing boat na lulan ang 22 Pinoy ay isang maritime incident.
“That is a maritime incident or accident. Parang bungguan ‘yan sa highway. It is not a confrontation of armed men and machines or ships,” paliwanag pa ng Pangulo.
Aniya, hindi naman pag-atake sa soberenya ng bansa ang nangyari kundi maritime accident.
“China says kung kasalan nila magbayad sila. Why do we have to go into a convoluted argument,” dagdag pa ng Pangulo.
“It is not an attack on our sovereignty, Malayo ‘yan,” dagdag pa ng Pangulo.
- Latest
