Gov’t agencies pinakilos sa fish kill sa Taal
MANILA, Philippines — Pinakikilos kahapon ni Pangulong Rodrigo Duterte ang mga kinauukulang ahensiya ng pamahalaan kaugnay ng nangyaring fish kill sa Taal lake sa Batangas.
Sinabi ni Presidential Spokesman Salvador Panelo na nababahala ang Chief Executive sa nasabing pangyayari na batay sa mga eksperto ay bunga ng pagtaas ng sulfur sa naturang katubigan bunsod ng malakas na Amihan.
Idinagdag ni Panelo na mahigpit din ang bilin ni Pangulong Duterte na gumawa ng kaukulang hakbang ang mga kinauukulang ahensiya ng pamahalaan para maibsan ang epekto ng nasabing natural phenomenon.
Pinatitiyak din mismo ng Pangulo na mamonitor ang presyo, suplay at ang kuwalidad ng mga isdang ibinabagsak sa merkado.
- Latest