Pagsisilbi ng warrant of arrest nauwi sa barilan, 4 patay
MANILA, Philippines — Patay ang apat katao matapos na makipagbarilan sa mga pulis na magsisilbi sa kanila ng warrant of arrest kamakalawa ng gabi sa Opol, Misamis Oriental.
Nabatid na sisilbihan sana ng arrest warrant si Nelson Manlos alyas “Boyong” dahil sa kasong paglabag sa Republic Act No. 9165 o Comprehensive Dangerous Drugs Act.
Pero pagdating ng pulisya sa kanyang bahay sa Vamenta Subdivision sa Barangay Barra dakong alas-11 ay nakipagbarilan umano ito sa mga otoridad, ayon kay Police Maj. Evary Bacunawa, hepe ng Opol Municipal Police station.
Bukod kay Manlos ay nagpaputok din umano ng baril ang mga kasamahan niyang sina Almirante Teneza, Jony Gacrama at Arman Gutierrez, dahilan para gumanti rin ang mga pulis.
Si Monlos ay itinuturing na 3rd most wanted sa Opol, Misamis Oriental.
Narekober sa lugar ng insidente ang 2 kalibre .38 baril, dalawang hand grenade at pitong sachet ng hinihinalang shabu.
- Latest