ACT-CIS ng Tulfo bros. una sa SWS
MANILA, Philippines — Nangunguna na ang ACT-CIS partylist ng Tulfo brothers ayon sa pinaka-latest survey ng Social Weather Station (SWS).
Sa survey na isinagawa noong April 28 hanggang May 3 ng SWS, number 1 na ang ACT-CIS partylist sa 134 na iba pang partylist.
Ayon sa Final Pre-election survey ng naturang survey group, pinili ng mas maraming respondents ang ACT-CIS na nakakuha ng 8.20 percent voter preference sa 2,400 katao na sinurvey sa nasabing panahon.
Dahil sa pag-akyat ng ACT-CIS sa number one, laglag sa number two spot and dating nangunguna na Bayan Muna na nakakuha naman ng 5.83 points
Pumangatlo ang Ako Bicol na may 5.47 points, pang-apat ang Senior Citizens na nakakuha ng 3.60 puntos.
Narito naman ang resulta ng iba pang partylist na nakakuha rin ng mataas na rating: CIBAC 3.08 points; Magsasaka 2.98 points; Ang Probinsiyano 2.98 points; TUCP 2.97; 1PACMAN 2.78; Gabriela 2.55 at Probinsiyano Ako 2.34 points.
- Latest
