10 patay sa election violence
MANILA, Philippines — Sampu na ang naitala ng Philippine National Police (PNP) na nasawi kaugnay ng gaganaping midterm elections sa Mayo 13.
Ito ang inihayag kahapon ni PNP Spokesman Col. Bernard Banac base sa data ng PNP sa patuloy na election period monitoring kung saan naka-full alert na ang kapulisan para sa halalan.
Nabatid na nakapagtala ang PNP ng 22 insidente ng karahasan na ikinamatay ng 10 katao habang 11 naman ang nasugatan simula ng election period nitong Enero 13 hanggang Abril 30 ng taong ito.
Noong Enero 13, 2019 ay ipinatupad ng security forces ang Comelec gun ban sa buong bansa at pinag-ibayo rin ang kampanya kontra loose firearms at checkpoints operations.
Kabilang sa mga nasawi na may kinalaman sa halalan ay sina re-electionist Councilor Jose Antonio “Michael “ Garcia at tiyuhin nitong si Jose Marcelino “Mark” Garcia, dating pangulo ng Association of Brgy. Captain na napatay sa ambush noong Abril 25 habang nangangampanya sa bayan ng Moises Padilla, Negros Occidental.
Ang magtiyuhin ay kapatid at pamangkin ni incumbent Vice Mayor Ella Celestina Garcia-Yulo na tumatakbo naman sa pagka-alkalde.
- Latest