SC ruling sa expanded IRA pinuri ni Imee

MANILA, Philippines — Nanawagan si Senatorial candidate at Ilocos Norte Gov. Imee Marcos sa Executive Department na madaliin ang pagbuo ng mekanismo na magpapabilis sa  pagpapalabas ng 40 porsiyentong share ng local government units mula sa national taxes.

Ayon kay Marcos, matagal ng panahon na napagkaitan ng tamang “share” ang mga LGU’s sa kanilang Internal Revenue Allotment na kinukuha lamang mula sa national internal revenue taxes at hindi mula sa national taxes.

“As a candidate coming from the ranks of local government officials, I really know what our local executives feel – the issues that are closest to their hearts. Our budget is sorely lacking when in fact we are at the frontline when it comes to delivering services to our constituents,” dagdag ni Marcos.

Pinuri rin naman ni Marcos ang Supreme Court sa naunang desisyon na ipinalabas nito kung saan kinatigan nito na maitaas ang IRA ng mga LGUs.

Una ng inindorso ng League of Provinces of the Philippines si Marcos sa pagtakbo nito sa Senado dahil sa pagiging “champion” nito sa pagtulong para  mapaunlad ang buhay ng mga Filipino lalo na ang mga nakatira sa mga probinsiya.