MWSS execs sesentensiyahan na ni Digong
MANILA, Philippines — Malalaman na ngayong linggo ang kapalaran ng mga opisyal ng Metropolitan Waterworks and Sewerage System (MWSS) gaya ng pahayag ni Pangulong Duterte.
“This week I will be firing… Alam mo ‘yang MWSS. Alam mo, seasonal ‘yan eh. It comes with regularity ‘yang El Niño na ‘yan. P***** i**, ilang taon kayo nandiyan and you do not prepare for it?” inis na wika ng Pangulo sa campaign rally ng PDP-Laban sa Tuguegarao City.
Muling binanatan ni Pangulong Duterte ang MWSS dahil sa naranasang krisis sa tubig ng Metro Manila simula noong Marso.
“Maraming Pilipino dito. Maraming engineer dito na galing sa labas na mas marunong. Hindi lang nakakilala. There are millions of Filipinos waiting outside, more brighter than you, more smart kaya lang hindi nakilala kasi hindi mga politiko. I will not hesitate to replace you all,” banta pa ng Pangulo.
Wika pa ng Pangulo, bago siya magtungo sa China sa linggong ito upang dumalo sa 2nd Belt and Road forum ay may sisibakin siyang mga opisyal dahil sa corruption.
- Latest