LGBT community ‘wag mahiya – Digong
MANILA, Philippines — Walang dapat ikahiya ang miyembro ng LGBT community dahil nilikha din sila ng Diyos, ayon kay Pangulong Duterte.
“Bakit ka mahiyang bakla? Gawa ka man ng Diyos. God created all of us. Male, female, tomboy, pati bakla,” pahayag ng Pangulo sa PDP-Laban campaign rally sa Malabon City.
Nagbiro pa si Duterte na dati rin siyang bakla at may 2 siyang bayaw na bakla.
Nauna rito, nagpahayag noon ang Pangulo na dapat payagan ng Simbahan ang same sex union ng mga baklang pari.
Noong Hulyo ng nakaraang taon ay nagpahayag ang Pangulo ng pagpabor sa same-sex union habang naka-pending ang petisyon sa Korte Suprema ukol dito.
Sinabi ng Malacañang, ang tinutulan lamang ng Pangulo ay ang same-sex marriage pero hindi ang same-sex civil union.
- Latest