SC bumuo ng task force vs ‘narco-judges’
MANILA, Philippines — Bumuo na ang Korte Suprema ng task force na mag-iimbestiga sa umano’y pagkakasangkot ng mga judges na nasa “narco list.”
Ayon kay SC spokesman Brian Hosaka, ang task force na pamumunuan ni Associate Justice Diosdado Peralta ay makikipagtulungan sa Philippine Drugs Enforcement Agency (PDEA) para makuha ang pangalan ng mga huwes na sinasabing sangkot sa iligal na droga.
Sinabi Hosaka na hindi kukunsintihin ng SC ang iligal at korapsiyon sa kanilang hanay.
Lumilitaw na hiniling ni Justice Secretary Menardo Guevarra sa PDEA na isapubliko ang pangalan ng mga prosecutors na kabilang sa “narco-list.”
Aniya, nagpadala na siya ng letter-request sa PDEA upang agad na masimulan ang imbestigasyon.
Matatandaang ibinunyag ng PDEA na 10 prosecutors at 13 judges ang nasa narco list subalit wala namang kumpirmasyon.
- Latest
